Back Mentonasc Catalan Mentonasc dialect English Dialecto mentonasco Spanish زبان منتوناسکی Persian Mentonasque French Dialetto mentonasco Italian Dialetu mentunascu LIJ Mentonska Swedish Phương ngữ Menton Vietnamese 芒通方言 Chinese
| mentonasc | |
| Parlat en | .svg){kind=small} Occitània |
|---|---|
| Classificacion lingüistica | Mentonasc |
| Còdis lingüistics | |
| Mòstra | |
| Article primièr de la Declaracion dels Dreches de l'Òme | |
 | |
Lo mentonasc (pronóncia locala: [meⁿtu'naʃk]) es un parlar de transicion entre l'occitan (vivaroaupenc e niçard) e lo ligur, emb de trachs occitans dominants. Si parla a Menton e dins li comunas a l'entorn.
Lu trachs essencialament occitans dau mentonasc son senhalats per toi lu especialistas qu'an estudiat aqueu parlar, tot en admetent de trachs ligurs minoritaris (vejatz la bibliografia). Totun certans mitans culturaus ligurs pretendon erroneament que lo mentonasc seria basta de ligur e non d'occitan, mas aquela opinion non a minga basa scientifica.
Lo mentonasc ten d'influéncias de toi lu parlars pròches. Dau costat occitan si restaca sobretot au vivaroaupenc (per lu vèrbs qu'an la primiera persona dau singular en -o e per la casuda de -d- entre doi vocalas) mas finda au provençau niçard (per lo tipe ca e ga en luec de cha e ja). Dau costat ligur a d'afinitats emb lo parlar de Ventemilha. E finda a d'afinitats emb lo parlar roiasc (qu'es un autre parlar intermediari entre ligur e occitan).
L'associacion principala que defende lo mentonasc, localament, es la Societat d'Art e d'Istòria dau País Mentonasc (Société d'Art et d'Histoire du Mentonnais, SAHM), que s'afilha au Felibritge e a l'Institut d'Estudis Occitans, lu doi agropaments majoraus qu'agisson per la cultura occitana.